موقع إرزي
نشر ابن بلدة عدلون كريم متيرك صورا له على فيسبوك بعد تعرضه للضرب خلال المظاهرات في بيروت وكتب :
أولاً بتشكر منظومتي القوية وبتشكر أصدقائي ورفاقي اللي ما تركوني ولا دقيقة
ثانياً نحنا ناس سلمية لآخر درجة كنّا عم نهرّب الصبايا والشباب كرمال ما حدا يتأذى
وصلت لمطرح وإعتقلت من القوى الأمنية وبلّشوا فيني ضرب وجروني عالثكنة وكانوا أكثر من ٣٠ عسكري وزيادة ما تركوا مسبّة إلّا وقالوها… تم الضرب لأكثر من ساعة
من بعدها دخلت شرطة المجلس (باللّباس المدني) وأخذوني ع غرفتهم وكمّلوا ضرب
وصلت لمطرح ما عاد إقدرت إتحمل وغميت،كبّوني برّا وكان الدفاع المدني موجود وأخذوني عالمستشفى…
انا مش رح بادر بنفس الأسلوب واهتك بأعراضكن لأن عرضكن غالي علينا ورخيص عندكن
