من الدهان إلى النجارة.. كوثر ورباب وغادة فتيات لبنانيات تحدّين العادات ونجحن بإفتتاح محلهنّ الخاص:”أخد معنا شغل ووقت وتعب..بس البنت قَدها وقْدود وزيادة”

كوثر ورباب وغادة فتيات لبنانيات تحدّين العادات التي تفرض على ان تمارس المرأة مهن مغايرة عن الرجل، وعملن بالنجارة والدهان وغيرها… ونجحن بإفتتاح محلهنّ الخاص.
وقد كتبت احداهن غبر صفحتها على فايسبوك: “بآخر تلات شهور شْتَغلنا بأكتر أنواع الحِرَف يلّي بقولو عنها صعبة ومحصورة بالشباب بس شتغلنا بالنجارة جبنا خشب ومنشر ونَشَرنا وقصّينا وعملنا طاولات وستاند ورفوف وغيرو، شتغلنا بالدهان، وتعلّمنا الخطوات الصحيحة والمواد المظبوطة لدهن الخشب. كانت اول مرّة منستعمل كتير من الادوات الكهربائية متل المقدح والمنشر وغيرو”.
واضافت:” نحنا تلات بنات كل تفصيل من أصغر مسمار ندق بالحيط شتغلنا بإيدينا، وأخد معنا شغل ووقت وتعب، بس ولا مرة حسّينا إنو مُمكن في شي يِصْعب علينا”.
وتابعت:”بعد في ناس بتقول البنت ما فيها تفوت بكل المجالات او مجالاتها محصورة بكم اختصاص ما بدّو جهد جسدي، أكيد مْبَلا فيها تشتغل بكل المجالات لي بتحبن حتى لو فيها جهد جسدي، أكيد هي قَدها وقْدود وزيادة”. مشيرة إلى أنهنّ لم يسلمن من “نظرات العالم” بحسب تعبيرها بعد مشاهدتمهم لـ3 فتيات يقومون بهذه المهن.