موقع إرزي
كتبت زوجة الجريح المقاوم ابن بلدة ارزي حسين متيرك على صفحتها على فيسبوك :
في فترة تعارفنا انا و زوجي… كانت رفيقاتي في الجامعة يسألوني.. شو بتحسي بس تجريه بالعرباية… أنظر اليهم.. اتبسم واقول لهم… ولا شي اصلا شخصيتو و جراحو ما خلوني شوف الكرسي الي قاعد عليها… ♥و طبعا هي كرسي شرف و كرامة و عز… دايما قلو كنت قادر تهرب بس انت صمدت بجورة الموت ضد الطيران الاسرائيلي.. قديش انت كبير 🌹🌹… انا اكتر شي بكرهو بالدنيا هو نظرة الدونية!!! و برمت الأيام … و كان قرارو يترشح بالبلدية طاعة و ولاء لسماحة الامين العام و قرار التحالف… و كمان كنت من اكبر و اول الداعمين لالو و جنبو…لانو سماحة الامين العام بقول اخرجوا الى الناس بكراسيكم المتحركة…. ليرى الناس جرحكم و عزمكم… هذي الجراح التي نزفت بقرار و إرادة…. و الحمدلله نجح و كمان جاب أعلى أصوات… الناس انتخبت جراحو♥♥…. هيدي الجراح عزيزة كتير…. شاء من شاء و أبى من أبى….. ورجع كمل دراستو.. و السنة عندو تقديم رسمي… مبارح اول يوم كان عندو عملي…. وصلنا اول شي لقينا درج… صدقا انا عنو اتطلعت يا الله كيف بدو يطلع…. بيتقدم موظف.. قلتلو هو طالب و عندو امتحان عملي… بقلنا تفضلوا عالجهة التانية… و بيسرلوا امرو… من جهة ما في ادراج… و بيطلع كمان في مصعد كهربائي… يا الله… ما بقدر اوصف او احكي الي بقلبي… بس عنجد كنت سعيدة كتير و فرحتي اكبر… رفقاتو بالمعهد… قديش بحبو و يقووا معنويات بعض… استاذتو.. و تشجيعن لالو…. نحنا و قاعدين… احد الطالبات و عن غير قصد بسبب ضياعها بمكان الامتحان… بتقول قالولنا بمكان المعوقين بتواخذ نفسا 😊🤗بس هو لازم… اصلا نظرة المجتمع و مصطلحاتنا ننتبهلا اكتر….حقا هم اصحاب الهمم…. و لازم المجتمع و محيطن بدل ما يكون خجل … يكون فخور فيهم و يامنلن الحياه الكريمة ليندمجوا بالمجتمع
