موقع إرزي
شب متل الوردة بيجيك على جنب بيقلك مع كسرة بقلبه و دمعة بعينو : ممكن تعطيني أجار الطريق اذا توفر معك، لان مصرياتي وقعوا مني… هو ما وقع منه شي، بس هو مش عارف يقلك ما معي آكل ،لأنه بعد في شوية كرامة منعتو من هالكلمة…
شب عمره 25 بيضل سهران كل الليل عم يدخن ويفكر وبس يطلع الضو بتلاقيه نام للمغرب وهو مكسور !!! بيفيق قدام اهله ما طالع بايده شي فاقد الأمل و فاقد شبابه…
وهيدا الشاب اللي لما حد يسالوا ليه بعدك ما تجوزت ، بيبتسم هيديك الابتسامة اللي بتقطع القلب وبيقول إن شاء الله قريباً، وهو ما معه ولا الف بجيبته بس معه بكالوريوس وماجستير!!! وبقضيها ناطر تلفونو ليتصلوا في من الشركة يلي شافوا حالهم عليه وطلبوا منو وراق يمكن تدين دين لحتى يخلصهم…
ام و اب محروق قلبهم على اولادهم الي عم يكبروا قدام عيونهم ونجحوا وجابوا مجموع بس ما معهم يسجلوا ولادهم بالجامعة…
بتركب سرفيس لتطلع على البيت بيقلك السواق مرتي ولدت بالمشفى من ثلاث ساعات وبدها غداء وعلاج وما جبتهم لأنه ما معي وبتمد ايدك وبتعطيه أقل القليل و بتوقفه صبية حامله طفلها بتقله توصلني بس ما معي اعطيك اجار بيقلها طلعي رزقي ورزقك على الله بتقعد بالسيارة وبتبكي وما بيطلع بايدك الا تقولها الله يرزقك الصبر ، لا حول ولا قوة الا بالله
سوّاق تكسي عمره فوق 60 سنة وبيشتغل طول اليوم على السيارة وبيمسح عرقه بالمنشفة ويمكن مش عرق يمكن دموع…
حنصير بال 2019 والبلد لورا، تعتير و ما في شغل ، (اذا في شغل ، الحد الادنى هوي اجار بيت واشتراك موتير! طيب كيف بدي اكل وطعمي عيلتي؟ وروح واجي على شغلي؟ وعبي تلفوني لاتواصل مع الناس؟ وغيرها اشياء كتير انا خجلان حتى احكي فيها…
للاسف رغم الظلم والاسى بيبقى قسم كبير من الشعب كل همهم هو الزعيم وابنه ومرته يكونوا بخير ليش..؟؟؟ لأنو مستفيد منهم ب قروش
لو هالرسالة حركت فيك نخوتك وحبّك وخوفك على الشباب البنانيي و مستقبلهن، نشرها على صفحتك ما حتخسر اكتر من يلي خسرتوا…
بدنا صرخة واحدة
حكومة لبنان السابقين والقادمين انتو ما بتمثلونا
طلعوا من حياتنا
لبنان ملك الشعب الطيب …
#عشتم_ولن_يعيش_وطن_يحكمه_فاسدين
الناشط حسن يوسف
